1. Программага каттоо эрежелери.
1.1. Эрезеге жеткен ар бир адам Артыкчылыктуу кардарларга арналган Программанын катышуучусу боло алат.
1.2. Каттоо учурунда Компанияда Программанын катышуучусунун башка Каттоо номери болбошу керек. Эгер сизде буга чейин Компанияда Каттоо номери болгон болсо, анда Программага ушул Эрежелердин 4-пунктуна ылайык башка Каттоо номери менен гана катыша аласыз.
1.3. Эгер жубайлар Артыкчылыктуу кардарларга арналган Программага катышууну чечкен болсо, анда алар бир Каттоо номери менен үйлөнгөн жубайлар катары катталышат.
1.4. Эгер жубайлар ар башка Каттоо номерлерине ээ болуу каалоолорун билдиришкен болсо, анда жубайлардын бири Программага өз жубайынын сунушу боюнча катышууну чечкен Артыкчылыктуу кардар катары катталат.

2. Программага катышууну токтотуу.
2.1. Эгер Артыкчылыктуу кардар катталган айдан баштап катары менен алгачкы 4 айдын ичинде Каттоо номерине балл толтурбай, бир да жолу өнүм сатып албаса, анда Компания Артыкчылыктуу кардардын Программага катышуусун токтотуу жана анын Каттоо номерин Компаниянын базасынан алып салуу жөнүндө чечим кабыл алууга укуктуу. 1-числодон тартып толук календардык ай катталган ай болуп эсептелет.
2.2. Эгер катталган айдан баштап биринчи 4 айдын ичинде Каттоо номерине сатып алуулар жүргүзүлгөн болсо, анда Компания мындан ары Артыкчылыктуу Кардардын Программага катышуусун токтотуу боюнча чечимди Артыкчылыктуу Кардар Каттоо номерине балл толтурбай, 6 ай катары менен бир да жолу өнүм сатып албаган учурда кабыл алат. Бул 6 айга Артыкчылыктуу кардар статусуна өткөн Бизнес-өнөктөштүн сатып албаган айлары да кирет.
2.3. Компания Артыкчылыктуу кардардын Программага катышуусун токтотуу жөнүндө билдирүүнү Каттоо келишиминде Кардар тарабынан көрсөтүлгөн электрондук почта дареги боюнча жөнөтөт.
2.4. Артыкчылыктуу кардар registrator@sibvaleo.com дарегине тиешелүү өтүнмөнү жөнөтүү менен Программага катышуусун токтотуу каалоосун өзү билдире алат. Каттоо номери Кардардын өтүнмөсүн алгандан бир ай өткөндөн кийин же өтүнмөдө көрсөтүлгөн мөөнөттө базадан алынып салынат. Эгер өтүнмө көрсөтүлгөн мөөнөт аяктаганга чейин кайра чакыртылып алынса, өтүнмө берилген жок деп эсептелет.
2.5. Эгер Артыкчылыктуу кардардын бирден ашык Каттоо номери болгон болсо, кийинчерээк катталган Каттоо номери Программанын катышуучуларынын базасынан алынып салынат.
2.6. Артыкчылыктуу кардарларга арналган Программага катышуу негиздердин кайсынысы боюнча болбосун токтотулгандан кийин Каттоо номеринде топтолгон бардык бонустар жокко чыгарылат.

3. Статусту өзгөртүү.
3.1. Статусту өзгөртүү BackOfficeте жана Компаниянын Дүкөндөрүндө жүргүзүлөт.
Статусту өзгөртүү үчүн ушул айда Бизнес-өнөктөштүн Жеке көлөмүнүн (ЖК) минималдуу ченемин аткаруу зарыл – 100 балл жана BackOfficeте же Компаниянын Дүкөнүндө статусту өзгөртүү боюнча өтүнмөнү калтыруу керек.
Кийинки айдан баштап сиздин маалыматтык отчетуңуз Бизнес-өнөктөш деген жаңы статусту көрсөтө баштайт! Эгер сиздин Жеке көлөмүңүз (ЖК) бул айда 200 баллды түзсө, анда жаңы статус (Бизнес-өнөктөш) сиздин маалыматтык отчетуңузда ушул эле айдан баштап көрсөтүлө баштайт.
Өтүнмө жол-жоболоштурулган айда жасалган сатып алуулар гана эсепке алынат.
Отчеттук айдан кийинки (1-числону кошо эсептегенде) айда жасалган сатып алуулар эсепке алынбайт.

4. Артыкчылыктуу кардарларга арналган Программага катышууну кайрадан улантуу же кызматташтыкты Бизнес-өнөктөш катары тандоо.
4.1. Эгер Артыкчылыктуу кардар 2.4-пунктка ылайык Программага катышуусун токтотсо, анда ал кайрадан Артыкчылыктуу кардарларга арналган Программанын катышуучусу боло алат же Программанын катышуучуларынын базасынан Каттоо номери алынып салынган айдан тартып, 6 айдан кийин Компания менен Бизнес-өнөктөш катары кызматташууну тандай алат.
4.2. Эгер Артыкчылыктуу кардар 2.1 жана 2.2 пункттарына ылайык Программага катышуусун токтоткон болсо, ал кайрадан ушул Эрежелердин 1-пунктунда баяндалган шарттарга ылайык Артыкчылыктуу кардарларга арналган Программанын катышуучусу боло алат же тиешелүү Каттоо комплектин алуу менен каалаган убакта Компания менен Бизнес-өнөктөш катары кызматташууну тандай алат. Мындай учурда Каттоо номери өзгөртүлөт.
4.3. Компания менен кызматташууну кайра баштоодо Каттоо номерине бонустарды топтоо нөлдөн башталат.

5. Компания Компаниянын сайтына киргизилген өзгөртүүлөр жөнүндө маалыматты жайгаштыруу менен Артыкчылыктуу кардарларга арналган Программага толуктоолорду жана өзгөртүүлөрдү киргизүүгө укуктуу.

6. Бардык бонустук эсептөөлөр сатып алган күндөн кийинки күнү жүргүзүлөт. Эсептөөлөр Новосибирск убактысы боюнча жүргүзүлөт.
6.1. 09.01.2024-жылдан баштап катталган Компаниянын жаңы Артыкчылыктуу кардарлары үчүн кэшбэкти эсептөө шарттары өзгөрүүдө: КНСти эске албаганда баада 15% чейин.
6.2. 31.08.2024 қоса алғанда тіркелген Артықшылықты клиенттер үшін кэшбэкті есептеу шарттары өзгермейді.